കവിതയുടെ പാകം
ഒരിക്കലും
അഴിഞ്ഞുപോകാത്തവിധം
വാക്കുകളെ ബന്ധിക്കുവാന്
എന്തു ചെയ്യണം?
ആദ്യമായി
സ്വപ്നത്തിന്റെ പട്ടുനൂല്കൊണ്ട്
വാക്കുകളെ കൂട്ടിക്കെട്ടുക.
പിന്നെ-
വര്ത്തമാനത്തിന്റെ
കയ്പ്പുനീര്പ്പുഴയില്
അതിനെ കുളിപ്പിച്ചെടുക്കുക.
പിന്നെ-
ദര്ശനത്തിന്റെ വെളിച്ചം
കയറുന്ന മുറികളിലൊന്നില്
അതിനെ സൂക്ഷിച്ചുവയ്ക്കുക.
പിന്നെ-
ഏകാന്തതയുടെ
ഇടവേളകളിലൊന്നില്
ചൂടുള്ള കണ്ണീരുപ്പ് തളിച്ച്
അതിനെ പുറത്തെടുക്കുക.
അപ്പോള് കാണാം-
നക്ഷത്രം ചിരിക്കുന്ന
വാക്കിന്റെ നെറുകയില്
കാലത്തിന്റെ തിരനോട്ടം... !
ലോകത്തിന്റെ വഴിവെട്ടം... !!
()
posted by Keralakavitha @ 7:48 PM
3 Comments:
വളരെ നന്നായിരിക്കുന്നു മാഷേ കവിതകള്...
ഒന്നില് പലത് എന്ന കവിത ഏറെ ഇഷ്ടമായി...
കവിത വളരെ നന്നായിരിക്കുന്നു .. എന്നെ പോലുള്ളവര്ക്ക് ഇങ്ങനെയുള്ള കവിതകള് ഹൃദയത്തില് ഒരു നീറ്റലുണ്ടാക്കും....
ജീവിതം കരഞ്ഞ് തീര്ക്കാനുള്ളതല്ല അത് ജീവിച്ച് തീര്ക്കാനുള്ളതാണ്, എന്നാണ് എണ്റ്റെ ജീവിതം എന്നെ പഠിപ്പിച്ചിട്ടുള്ളത്, എണ്റ്റെ അനുഭവങ്ങള് നിങ്ങള്ക്ക് മുന്പില്, താല്പര്യമുണ്ടെങ്കില് വരിക വായിക്കുക.
മനോഹരം...
Post a Comment
<< Home